2023香港小姐竞选 决赛

寻晚圆满收官啦

(资料图片)

“ 三甲 ”名单出炉

赛果同你预估嘅是否一样？

获得 冠军嘅 15号庄子璇

整体形象OK 决赛前就係大热选手

佢获奖大家都唔出奇

只係同历届嘅港姐冠军相比

佢俾人 邻家女孩 嘅感觉 观众担心佢差紧啲气场

亦有可能係 依家

大家嘅审美标准唔同咗

甜美向嘅女仔更受欢迎

佢之后要代表香港 参加各种社交活动

大家可以再睇睇 佢嘅表现

网友普遍觉得

17号王敏慈获得季军 係个惊喜 其实因为佢神似 “Angelababy”

我哋之前都已经留意到佢啦

高学历嘅 10号陈霈錤

赛前被唔少网友睇好

最终颗粒无收

就係最令人意难平嘅结果

除咗大家关心嘅赛果之外

今次舞台上

真係唔少抢镜嘅 “花边” 嘢

成为场外讨论区

大家关注嘅话题

首先从红地毯环节开始

大家就觉得“坤哥” 吴业坤 的造型

随便咗啲、唔够隆重

认真品味一下佢个look

发现原来衰喺个发型上

三七分嘅刘海有啲塌

亦将佢嘅发际线推后咗 ……

女司仪方面都好有睇头

麦美恩 着大露肩礼服登台

气场一啲都唔输“ 港姐 ”

平时大癫大废嘅 麦美恩

其实谈吐都几自然

但寻晚 香肩出现大片红斑

睇落就似过敏未好翻嘅状态

多少影响咗现场发挥了

观众睇直播都觉得心痛 话 点解唔提前选一件

可以遮挡下红斑嘅礼服咧

今次港姐决赛嘅舞台

渗透咗好多AI嘅元素

全程都充满科技感嘎

但操作唔多流畅

就受到观众嘅吐槽

据闻

呢个 AI主持 “陈婉嫣Evelyn”

合成咗 50位港姐冠军嘅 优点

但从佢形象公开以来

网友评价就褒贬不一

有人话

总觉得佢好似某个港姐

亦有人话佢普通兼显老

寻晚嘅直播现场

佢 临场应变能力确实冇问题

但 表情、肢体语言嘅僵硬

睇到大家好有距离感

到咗某啲环节仲好似读书咁

场面有啲尴尬啰

到咗港姐本姐登台show舞技时

背景屏幕同时放出

佢哋用 AI生成嘅形象照

睇真人好定睇AI靓女好呢？

另一part尴尬油然而生

AI帮佢哋嘅设定

更有“乱点鸳鸯谱”嘅感觉

例如会将准港姐们定位做

古风侠女、 埃及妖后 等

各种奇怪嘅身份

旁边仲有配上 “倾国绝色”

“北欧女神” 之类身份说明

令人觉得有啲莫名其妙

成个画面的配图&用色

都大胆到好似翻版嘅

古风言情小说封面咁

//////////

原本设计“港姐”要同

未来嘅自己对话

应该係一个几破防嘅环节

但AI生成准港姐们60岁嘅样

一下子打破大家审美防线

现在嘅靓女个个都咁识保养 加上又科技元素加持

60岁未必松垮成咁

令观众更加感叹嘅喺

青春美貌好似转眼即逝

而今次最令大家惊喜嘅一part

就係为咗非粤语观众有更好体验

喺视频平台直播嘅画面

配上了 普通话字幕

字幕跳出会有几秒延时

但翻译上已经比较精准

令到唔少网友表示

第一次喺直播中睇明白咗

香港小姐嘅感谢字幕

anyway~

今次嘅港姐总决赛

可以话係TVB 第一次

喺舞台上运用咁多科技元素

打破港姐比赛多年固有模式

多咗好玩得意嘅观感体验

成场直播都算丝滑

唔知呢场港姐show

边一part令你印象最深刻咧

MORE

今日娱乐看点

《无与伦比的美丽》今日开播

由陈晓、古力娜扎领衔主演嘅

《无与伦比的美丽》今日上线

故事聚焦当代青年

感情&事业上面临嘅种种危机

好多好现实嘅问题

可能大家正在经历

朱晨丽力证冇怀孕

早前有消息指 朱晨丽傍上富商 并准备奉子成婚 寻日佢特意晒出倒立照片 力证自己冇怀孕

谢娜“组团”去睇张杰开show

信息来源：微博、视频截图等

网络信息平台综合

编辑：郭玮

审核：曾敏妍

签发：骆苹

>>>

一次过get可乐 报详细内容

羊城晚报报业集团旗下的粤语生活类报纸，广东省唯一一份粤语刊物。 广州至潮至IN的吃喝玩乐，湾区潮流资讯风向，统统喺晒度！

官方微信号：靓仔可乐君（handsomecolor）